0 مقدمه عن المدونه

السلام عليكم ورحمة الله وبركاته

بصوا يا بنات ويا ستات انا هدخل في الموضوع على طول

المدونة دي هتكون خاصه بالمطبخ

وطبعاً انتوا فاهمين يعني اي مطبخ

يعني اكل ووصفات ونصائح ..........إلخ >>>>>>>>>>>> بموت انا في كلمة إلخ دي مش عارفه ليه

المهم انا فكرت في المدونه دي لسبب مش عشان انا لا سمح الله ممتازه في الطبخ ومش عارفه اودي وصفاتي فين


لا لا لا لا اوعوا حد يفتكر كده هزعل اوي لأحسن واحده تيجي تسألني عن وصفه ولا نصيحه ولا حاجه


لكن بصراحه انا بحب المطبخ اوي وبحب الأكلات الجديده وطريقة عملها


والسبب التاني ان في رسايل كتير اوي بتجيلي على الإيميل خاصه بالمطبخ فقلت بدل ما تتركن من غير استخدام احطها هنا يمكن اي حد يستفيد منها وانا هكتب الرسايل زي ما جاتلي على الايميل بالظبط




المدونة دي هنعتبرها دردشه يا بنات ويا ستات

يعني اللي عندها نصيحه تحب اني اكتبها هنا تبعتلي وبردوا اللي عندها وصفه معينه هي بتعملها وممكن تصور طريقة عملها تبعتها ليا وانا هكتبها بإسمها

ملحوظه كبيره اوي :

المواضيع اللي هتتكتب هنا مش من تأليفي لكن كلها زي ما قلت دي رسايل بتجيلي على الإيميل عشان بس محدش يجيي في يوم ويقولي اني سرقت افكاره ولا حاجه


انا بقول اهو المواضيع اللي هنا مش انا اللي عملاها


يارب تعجبكم المدونه وبالهنا والشفا مقدماً