4 كيكه اليوسفى بصوص اليوسفى من إيد إختي ام مريم

 دي كيكة اليوسفي من إيد إختي ام مريم 

اسيبكم مع رسالتها اللي ارسلتها لي

بسم الله الرحمن الرحيم
السلام عليكم ورحمه الله وبركاته
 

بصوا بقى انا كان عندى يوسفى ومش عارفه اعمل بيه ايه لقيت طريقه كيكه اليوسفى بصوص اليوسفى بصراحه روووعه وسهله جدا وانا عملتها ولما عجبتنى قلت هاعملها تانى عشان اوريهالكم

المقادير

2 كوب دقيق
1 كوب سكر
3 بيض
فانيليا
1 ملعقه كبيرة بيكينج بودر


2 ملعقه كبيرة زيت
2 ملعقه كبيرة زبدة سايحه


3يوسفى كبير او 5 يوسفى صغير





الطريقه
نشغل الفرن عشان يبقى سخن

نقشر اليوسفى ونفصصه ونحطه فى الخلاط مع شويه ميه وبعد كدة نصفيه كويس

ناخد من العصير دة 3/4 كوب للكيكه



باقى العصير نحطه على النار مع ربع كوب سكر لعمل الصوص ونسيبهم يغلوا مع بعض مع التقليب لغايه ما تحسى ان الصوص بدا يتقل


نجيب 3/4 كوب العصير ونحطه فى الخلاط مع باقى السكر و البيض والفانيليا والزبدة ونضرب شويه فى الخلاط وبعد كدة نحط الخليط دة فى طبق عميق ( غويط) ونضع عليه الدقيق والبيكينج بودر ونقلب بالراحه لغايه ما الدقيق يختفى ثم نضع الزيت ونقلب بالراحه لغايه ما الزيت كمان يختفى

نحط الخليط فى صينيه مدهونه زيت ومرشوشه شويه دقيق



نضع الصينيه فى الفرن ومانفتحش عليها خالص ممكن تراقبيها من باب الفرن لما تلاقى الوش بدا يحمر وطى الفرن شويه وسبيها شويه


نطلع الصينيه بعد ما الوش يحمر وطبعا بنختبر سواها عن طريق غرس سكينه لو طلعت السكينه نضيفه يبقى استوت

نقطع الكيكه ونضع عليها الصوص بمعلقه وتترك فى الهواء الطلق مش فى التلاجه




بالف هنا وشفا

جربوها وقولولى رايكم ايه ؟

ودة طبق لاول واحدة ترد