10 طريقه عمل مقرمشات بالجبنه والزعتر واليانسون والعجوة من إيد اختي (ام مريم )

السلام عليكم ورحمة الله وبركاته

رجعنا ليكم مع وصفات اختي توأمتي(ام مريم )

وانا بيني وبينكم بستغل شطارتها وبخليها تبعتلي اي حاجه بتعملها بالصور 

اسيبكم معاها بقى

انا عملت مقرمشات جبت طريقتها من على النت وقلت تشوفوها معايا
اتفضلوا

المقادير

مقادير العجينه

2 كوب دقيق 1/2 ملعقه صغيرة ملح
1/4 ملعقه صغيرة سكر
1/2 ملعقه صغيرة بيكينج بودر
3 ملعقه كبيرة زبدة لينه ( ممكن تستخدمى السمنه او الزيت)
2 ملعقه كبيرة زيت
2 ملعقه كبيرة زبادى ( ممكن لبن كامل الدسم)
3 ملعقه كبيرة لبن

للزينه :

بيضه عليها ملعقه صغيرة زيت
زعتر
ينسون
جبنه قريش


الطريقه

نضع الدقيق والسكر والملح والبيكينج بودر فى وعاء ثم نضع الزبدة 

ونفرك الدقيق بايدنا ثم نضيف باقى مكونات العجينه ونعجن حتى تتماسك العجينه ( لو لاحظتى ان العجينه غير متماسكه زودى اللبن حتى تتماسك)



طريقه لف المقرمشات بالجبنه

اولا بنفرد جزء من العجينه

ثم نساوى الاطراف بالسكينه ( ماترميش باقى العجينه احنا مش سارقين فلوسنا)





نعمل شقوق فى طرف العجينه بالسكينه بس مش لاخر الطرف ونضع الجبنه على الطرف الاخر

ثم نلفها وبعد مانلفها بنضعها فى صينيه مدهونه بالزيت

ندهن الوش بالبيضه اللى عليها ملعقه زيت ونرش على الوش يانسون او زعتر زى ماتحبى



طريقه عمل مراكب الجبنه

نفرد جزء من العجينه ثم نقطعها دوائر باى قطاعه او حتى بقعر كوبايه


ثم نضع الجبنه فى المنتصف



نقفل طرف الدائرة




ثم نقفل الطرف الاخر


وتوضع ايضا فى صينيه مدهونه بالزيت ويدهن الوش بالبيضه اللى عليها ملعقه زيت


طريقه عمل الضفاير

نعمل كور





ثم تبرم كل كورة


ثم نضع تلاته جنب بعض ونلصقهم من احد الاطراف



نضع الاول على اللى فى الوسط


ثم نضع التالت على اللى فى الوسط


ثم نعيد نفس العمليه حتى نخلص الضفيرة ثم نقطعها قطع ونضغط على الاطراف



 

وتوضع فى صينيه مدهونه بالزيت ثم يدهن الوش بالبيضه ايضا ويرش فوقها زعتر او يانسون


ممكن عمل شكل تانى باستخدام كرتين فقط بدل تلاته ونضعهم بعد مانبرم كل واحدة جنب بعض ثم نلفهم هايعطوا الشكل دة

طريقه لف العجينه بالعجوة

نحضر العجوة ( بلح طرى ونعجنه بشويه سمنه ثم نبرمه  )



ثم نفرد جزء من العجينه ونضع العجوة على احد الاطراف




ثم نلفها ثم نضغط عليها ونقطعها الى قطع متساويه


وتوضع فى صينيه مدهونه بالزيت


ممكن عمل بعض الاشكال بالقطعات المختلفه


القطعات دى جايبها من محل اى حاجه ب2 ونصف تصدقوا 8 قطع ( فى الصورة 6 قطع بس اللى استخدمتوهم احسن حد يقولى انتى مابتعرفيش تعدى ولا ايه ؟






وبالف هنا وشفا

 

ايه رايكم ؟ يا بخت بنتى بيا ( شويه غرور مش هايضر يعنى