14 الأكله من إيد إختى توأمي ام مريم

 

السلام عليكم ورحمة الله وبركاته

رجعنا تاني مع وصفات زوارنا 

المره دي الوصفه من إيد اختي ام مريم 

هسيبكم بقى مع طريقتها 
انهاردة عملت الاكله احنا بنسميها كدة فى بيتنا هى عبارة عن مكرونه اسباجتى بالباشميل بالخلطه السريه
اقولكم  تعالوا نشوف الطريقه مع بعض

المقادير:
 1/2 كيلو مكرونه اسباجتى

 

بيضه

كيس خلطه الباشميل
   

فلفل اسمر
زيت
2 كوب لبن
2 كوب ماء

مقادير الخلطه السريه:
1/4 كيلو فلفل رومى اخضر

1/4 كيلو جبنه رومى

1/4كيلو زيتون اخضر مقطع ( ممكن نستخدم الاسمر ايضا )
   

الطريقه
تحضير الخلطه :
نقطع الجبنه الرومى والفلفل الاخضر قطع متوسطه ( لا نبشر الجبنه الرومى حتى نشعر بطعمها )

نضع الجبنه الرومى والفلفل مع الزيتون المقطع ونقلبهم جيدا

تحضير الباشميل :
نضع اللبن (2 كوب) مع الماء (2 كوب) فى حله ونضع عليهم كيس خلطه الباشميل ونقلبهم جيدا انا بستخدم المضرب اليدوى فى تقليب الباشميل عشان هو افضل من الملعقه

نضع الحله على نار هادئه ونقلب حتى نحصل على القوام المطلوب ( المتوسط بين الخفيف والثقيل )

تحضير المكرونه:

نضع ماء فى حله مع ملعقه كبيرة زيت وملعقه ملح ونترك الحله على النار حتى تغلى الماء ثم نقوم بوضع المكرونه بعد كسرها الى ثلاثه اجزاء فى الماء وتترك لتسلق مع التقليب ثم تصفى المكرونه فى مصفاة ونفتح الماء عليها من الحنفيه مع تقليبها جيدا

بعد تصفيه المكرونه من الماء توضع فى حله وتوضع معها الخلطه السريه ومعلقتين باشميل ويقلب الخليط جيدا

تدهن صينيه بزيت وتوضع فيها المكرونه ثم يوضع باقى الباشميل على السطح ونرج الصينيه حتى يتخلل الباشميل كل المكرونه
نخلط البيضه مع قليل من الفلفل الاسمر ويدهن بها وش الصينيه

تدخل الفرن حى تنضج المكرونه ثم توضع تحت الشوايه حتى يحمر الوش

وبالف هنا وشفا


بعض المعلومات المهمه
عند وضع المكرونه فى الماء المغلى خدى بالك حطيها بالراحه عشان الحله ماتفورش او وطى النار على الحله وحطى المكرونه بعد كدة زودى  النار تانى

بعد سلق المكرونه لازم تفتحى عليها الماء من الحنفيه وتكون ساقعه عشان نوقف نضج المكرونه


بعد ما نصفى المكرونه من الماء وتركها اذا لاحظنا انها التصقت ببعضها ممكن نضع فى ايدينا بعض الزيت ونفك المكرونه من بعضها ( معلومه من اختى الصغيرة )  او نفتح عليها الماء تانى من الحنفيه ونفكها بايدنا
اذا عملتى الباشميل فى الاول فيفضل ان تنزليه من على النار خفيف مش تخين واذا لاحظتى بعد كدة لما تستعمليه  انه تخين ممكن تضيفى بعض الماء وتقلبيه جيدا
اذا كنتى بتحبى المكرونه تاكليها سايحه


 يبقى بمجرد ما تطفى الفرن عليها قطعيها واغرفيها

اما اذا كنتى هاتقدميها لضيوف فيفضل انك تعمليها قبلها بفترة كبيرة لتبرد ويمكن تقطيعها لقطع متماسكه

ايه رايكم ؟؟؟واللى تجربها تبقى تقولى رايها بجد هى تحفه وريحتها رووعه